ФК Пелистер го промовираше Филип Петровиќ како ново засилување во офанзивната линија на битолскиот клуб.
Станува збор за 25-годишен српски напаѓач, кој во редовите на „зелено-белите“ доаѓа по настапите за Раднички Пирот во минатата сезона. Петровиќ е фудбалер со солидно искуство во српскиот фудбал, а во текот на кариерата настапувал и за екипите на Свилајнац, Крусиљево, како и за Раднички Крагујевац.
Со неговото ангажирање, Пелистер добива уште една опција во нападот, а од Петровиќ се очекува да донесе борбеност, брзина и поголема ефикасност во офанзивата во продолжението од сезоната.
