Какви „пеколни“ четвртфинални натпревари се одиграа на турнирот во мал фудбал „Стојаково 2025“ – многу голема борба за секој топка, погодоци, атракција, одлични дриблинзи и потези со кои се собираше аплауз повеќе од верната публика, радост и среќа, но и разочарување што следува елиминација.
Кафе Бар Проект и Пицерија Дивино ремизираа во меч со осум погодоци – конечен резултат од 4:4, а потоа пеналите решаваа кој да патува во полуфиналето.
Регуларниот дел беше вистински „пекол“, голема жар во играта од двете екипи и борба, но победник немаше. Во пенал рулетот херој се покажа голманот на популарните „пици“ од Босилово откако успеа да одбрани удари од белата точка и да обезбеди пласман во полуфиналето на неговиот тим кој славеше над тимот од Јосифово со 5:6.
Вториот меч истото така беше драматичен, но се реши во регуларниот дел со пет гола – Дим Метал од Неготино го елиминираше радовишкиот тим Порта ЕУ Фреит Оне со 3:2.
Спортска Мрежа по првпат медиумски го поддржува овој турнир во мал фудбал „Стојаково 2025“
