Синоќа на турнирот во мал фудбал „Стојаково 2025“ беа одиграни четири натпревари – стандардно два кај јуниорите и два кај сениорите.
Вечерта беше отворена со натпреварот во генерација 2010/2011 меѓу Mild Home Store против Маркет Го-Да Чонов Маркет каде немаше победник, а имаше по еден гол за конечни 1:1, во вториот меч од генерација 2012/2013 беше полуфинале каде тимот на Џокер Фурка со убедливи 8:1 го декласираше тимот на Уни Глобал.
Кај сениорите во првиот меч Кафе Бар Проект ремизираше со Џокер од Фурка играјќи 2:2, а пак во вториот меч Дим Метал од Неготино се соочи со Баламов Компани од Негорци, каде во регуларниот дел беше 2:2, а во пенал серијата беше 2:3.
Спортска Мрежа по првпат медиумски го поддржува овој турнир во мал фудбал кој се игра во Стојаково, вечерва одново има одлични натпревари, распоредот е достапен овде.
