Лидерот Еуромилк ГЛ со „петарда“ за Пчиња стана есенски шампион, Куманово и БВК Коњаре пресилни!

Некогашниот прволигаш Еуромилк ГЛ продолжува да ги полни мрежите на противниците и да бележи убедливи победи на патот кон баражот за втора лига.

Денес тимот од Горно Лисиче со 5:1 ја декласираше Пчиња и така беа обезбеди нови лесни три бода.

Еуромилк ГЛ е есенски шампион во Трета лига – Север.

Кристијан Кипријановски погоди по две минути игра за водство на гостинот од 0:1, а до крајот на првиот дел голгетерот Орхан Мифтар погоди за 1:1. На стартот од вториот дел Мифтар постигна уште еден гол за пресврт од 2:1, а од крајот на мечот Ахмед Бакијов со два гола зголеми на 4:1, а пак Николче Стојановски си постигна автогол за 5:1.

Беса од Слупчане доживеа тежок пораз од 0:5 од екипата на Куманово. Во високата победа учествуваа Андреј Јовановски и Гезим Бакиевски со по два гола, а резултатот го отвори во 4. минута Александар Крстевски.

БВК Коњаре на домашен терен со 4:2 го доби новиот третолигаш Студеничани. Домаќинот со двата гола на Елмир Алији имаше два гола предност, во вториот дел за домашниот тим погодија Муадх Куртиш и Дамјан Антевски, а за гостинот стрелаа Сабри Алиу и Фејзула Шабани.

Неизвесен натпревар со три гола во вториот дел одиграа Башкими Љуботен и Беса од Сарај на теренот во Бутел. Аддас Рамадани и Аљбин Љамалари погодија за 2:0, а во судиското надополнување Зирап Имери ублажи на конечните 2:1.

Поради голема количина на теренот мечот меѓу Ржаничино и Фортуна не се одигра, истиот во договор на двете екипи ќе се одигра другата недела.

„Во констатација со двата капитени и главниот судија натпреварот не се одигра затоа што теренот беше на многу места покриен со вода и топката отскокнуваше и не се движеше. Домаќините правеа напори да го оспособат теренот но не успеаа во тоа до почетокот на натпреварот.
Двата претставника и капитените на двете екипи се сложија натпреварот да се одигра наредната недела“, се вели во записникот.

Претходно како што објави Спортска Мрежа, Лопати со 2:3 загуби од Отља, а пак Аеродром со 9:0 го доби Кадино, извештајот од овие мечеви е достапен овде.