Влазерими славеше над Љуботен, минималец за Напредок, лидерот Камјани до нова победа

Кичевски Напредок забележа минимална победа од 1:0 над Џепчишти на свој терен, а славеше дури во 91. минута со голот на Пецо Мирчески.

Трите бодови од мечот на 10. коло останаа во Кичево, а Мирчески е херој за домаќинот, кој го расплата противникот во судиското надополнување.

Речица преку пресврт со 2:1 ја доби Ренова на домашен терен, во меч каде трите голови беа постигнати во вториот дел.

Ермал Саити во 68. минута погоди за 0:1, а до крајот домашниот тим со двата гола на Артан Зеќири ги постави конечните 2:1 и со тоа трите бодови останаа дома.

Лидерот Камјани забележа нова победа овој пат од 1:3 над Скендербеу во Порој. Гостинот имаше два гола предност на полувреме, а во вториот дел ја потврди победата.

За домашниот тим во вториот дел стрелаше Аријан Велии, за гостинот двапати погоди Хузри Џемаили и еднаш Рамадан Шерифи.

Влазерими со 3:0 славеше сигурна победа над Љуботен на свој терен, Мурат Адили го отвори резултатот, а во вториот дел Леонтин Бајрами и Албулен Имери ги поставија конечните 3:0.

Дрита на домашен терен со 4:2 стигна до триумф над Доброшти. Со два гола на полувреме тимот на Дрита на полувреме имаше солидна предност.

Брендим Рушити постигна два гола, а по еден гол за домашниот тим имаа Адриан Исмаили и Мерис Ибраими. За гостинот во вториот дел стрелаа Берин Камбери и Енсар Елези во 84. минута.