Ракометарите на Алкалоид го совладаа Тиквеш со 33-24 и ја потврдија својата доминација на табелата. По пауза од речиси една година, на терен се врати Никола Костески, кој со пет голови од пенал помогна во убедливата победа на момците на Лазаров.
Натпреварот во првото полувреме беше израмнет. Алкалоид водше со 7-3, но Тиквеш направи серија од 6-0 и кратко водеа со 9-7. До паузата, тимот на Лазаров успеа да го врати водството и на полувреме се замина со минимална предност од 14-13.
Второто полувреме донесе целосен пресврт. Алкалоид брзо ја зголеми предноста, во 40. минута водеше со 21-16, а на крајот натпреварот заврши со девет голови разлика. Најефикасен кај домаќините беше Ненад Костески со 6 голови, додека по пет постигнаа Никола Костески и Мартин Серафимов. Кај Тиквеш, најмногу голови дадоа Мохамед Магду и Петар Цветковски, по пет.
