Еурофарм Пелистер доживеа тежок пораз на гостувањето во Сегедин, каде унгарскиот ПИК Сегед славеше убедливо со 35-20 во рамките на Лигата на шампионите. Македонскиот шампион имаше солиден влез во натпреварот и кратко време парираше, но домашниот тим брзо ја презеде контролата и почна да ја зголемува предноста.
Клучниот фактор на натпреварот беше фантастичниот голман Роланд Миклер, кој со низа одбрани целосно го запре нападот на Пелистер. Сегед постепено ја градеше разликата, а во второто полувреме целосно ја потврди доминацијата.
Кај Пелистер, најпрецизни беа Дејан Манасков, Петар Атанасијевиќ и Алем Хаџиќ, секој со по три погодоци, но нивниот учинок не беше доволен за да се избегне убедлив пораз. За битолчани следува предизвикот на домашен терен против европскиот првак Магдебург.
