За во недела се закажани натпреварите од 13. коло на Првата женска фудбалска лига, а познати се веќе и судиите кои ќе делат правда на истите.
Дербито на колото ќе се игра во Пржино каде ќе се соочат Истатов и Тиверија Брера. Правда ќе дели Крумислав Ѓоргиев, а негови помошници ќе бидат Снежана Илиевска и Татјана Ивановска, а пак Петре Илиоски ќе биде контролор.
Дебитантот Вардар на „Цементарница 55“ ќе го пречека фаворитот Каменица Саса, а Виолета Јанчева ќе дели правда на овој меч. Помошници ќе бидат Радмила Неркова и Стефан Митров, а пак Драган Ристовски ќе биде контролор.
Во Струга ќе се одигра натпреварот меѓу Ас Јунајтед и Кочани, каде Дени Лековски ќе биде главен судија, а помошници ќе бидат Ангела Домазетовска и Николче Дрнковски. Мендо Дивитарот ќе биде контролор.
Шампионот Љуботен како апсолутен фаворит ќе се соочи со Топ Гол, а за правдата ќе биде задолжена Вјолца Изеири, а помошници ќе бидат Цветанка Савеска и Тамара Астарџиева. Контролор на средбата ќе биде Никола Божиновски.
Речица на домашен терен ќе има мног тешка задача против фаворитот Скопје, Ангела Рајчевска ќе биде главен судија, а ќе помагаат Елена Соклевска Илиески и Тамара Цветановиќ.
Бранко Величковски ќе биде контролор на овој меч.
