Фудбалскиот клуб Пчиња, член на Трета лига – Север, сезонава игра во извонредна форма и се бори за висок пласман, а еден човек посебно останува запишан со златни букви во клупската историја.
Боби Маневски е најдобриот стрелец во историјата на клубот, со фантастични 50 постигнати погодоци во дресот на Пчиња. Неговата ефикасност, континуитет и верност оставија неизбришлива трага во младата, но веќе богата историја на клубот.
На листата на најдобри стрелци следува искусниот Далибор Тодоровски со 47 гола, а потоа доаѓа подолг „пресек“. На третото место се наоѓаат Јованче Чаневски и Филип Савевски со по 29 погодоци, додека петтото место му припаѓа на Иван Вукановски со 27 гола.
Виктор Димков и Боби Стојановски постигнале по 25 погодоци, а осмата позиција ја држи Стефан Арсовски со 23 гола. Топ-десет листата ја заокружуваат Христијан Стојчевски и Николче Стојановски, кои имаат по 18 постигнати гола.
Пчиња во својата десетгодишна историја изгради сериозна традиција на талентирани стрелци, но Маневски цврсто стои на врвот – рекорд што ќе биде тешко да се надмине.
