Македонската женска фудбалска репрезентација до 19 години ќе одигра два контролни натпревари против врсничките од Русија. Двата дуели ќе се одиграат на стадионот „Младост“ во Струмица, на 24 и 27 октомври.
Селекторот Кирил Изов за овие подготовки повика 21 фудбалерка, кои ќе имаат задача да го тестираат тимот пред претстојните квалификации.
Голмани: Ведрана Комненова (Љуботен), Ангела Блажева (Каменица Саса)
Одбрана: Росана Китановска (Љуботен), Михаела Додевска (Скопје), Јована Каралиоска (Скопје), Мила Панева (Скопје), Александра Ристевска (Топ Гол), Васка Василева (Каменица Саса), Канита Емини (Истатов), Ангела Димчова (Тиверија Брера)
Среден ред: Теона Галабовска (Тиверија Брера), Стефанија Божинова (Тиверија Брера), Сара Дика (АС Јунајтед), Андреа Коловска (Истатов), Никица Трендова (Скопје), Кристина Крстева (Скопје)
Напад: Настасја Накова (Љуботен), Елена Симјонова (Љуботен), Ана Боризоска (Скопје), Калина Попески (Црвена Звезда, Србија), Емили Митковска (Речица)
Контролните натпревари против Русија ќе бидат клучни за подготовката на тимот за квалификацискиот турнир за Европското првенство, кој ќе се одржи во Струмица од 25 ноември до 1 декември. На турнирот, Македонија ќе се соочи со селекциите на Грузија, Азербејџан и Словенија, во обид да обезбеди пласман во повисок ранг на квалификациите.
