Македонскиот каратист Фаик Весели успеа да избори место на Светското првенство што ќе се одржи во Каиро, Египет, од 27-30 ноември. Весели го оствари овој голем успех на квалификацискиот турнир во Париз, каде што покажа извонредна форма и ментална цврстина во текот на сите борби.
Во групната фаза, македонскиот натпреварувач забележа три победи, со што уверливо обезбеди место во елиминацискиот дел. Таму го совлада домашниот претставник Ахмед ел Амине Хелал од Франција со резултат 1-1, благодарение на правилото за прв освоен поен, што уште еднаш ја потврди неговата концентрација и тактичка подготвеност.
Со овој резултат, Весели не само што обезбеди настап на најголемиот светски карате собир, туку и потврди дека Македонија има свои претставници кои рамноправно можат да се носат со европската и светската елита.
Настапот во Каиро ќе биде голема можност за Весели да го претстави македонскиот карате на највисоко ниво и да се бори за нови медали и признанија, а со својата борбеност и дисциплина веќе покажа дека има капацитет за тоа.
