Второлигашот Шкендија Арачиново го промовираше петтото зимски засилување во своите редови, откако официјално го претстави Зани Назифи како нов играч.
Се работи за 20-годишен фудбалски талент кој ќе биде силен адут на тимот од Арачиново во битката за влез во Првата македонска фудбалска лига.
Назифи кој игра како крилен напаѓач кариера ја започна во прилепска Победа, потоа беше дел од Њу Старс и Шкендија Арачиново, заигра и за екс прволигашот Беса од Добри Дол, а последно настапуваше за прволигашот Шкупи.
Во дресот на актуелниот шампион на Македонија, Шкендија, го имаше дебито во Првата македонска фудбалска лига, а во елитата запиша 16 настапи, додека пак два настапи со дресот на Шкендија има и во младинската Лига на шампиони.
Се очекува Назифи значително да придонесе за зголемување на конкуренцијата и квалитетот во напаѓачкиот ред на тимот од Арачиново, благодарение на неговиот динамичен профил и максималната ангажираност на теренот.
Претходно како што веќе објави Спортска Мрежа, Шкендија Арачиново се засили со голманот Антонио Столевски, Владимир Жоглев, Махир Ајрули и Сухејб Рушити.
