ГРК Охрид го пречекува ГРК Тиквеш во дербито на петтото коло од ракометната Супер лига.
Во среда, на 1 октомври, во спортската сала „Билјанини извори“ во Охрид со почеток од 18:30 часот, охриѓани ќе имаат можност да го бодрат својот тим во важен дуел против амбициозниот состав на Тиквеш 2014.
Играчот на ГРК Охрид, Николаос Лиапис, пред натпреварот изјави дека екипата е подготвена максимално сериозно:
„Свесни сме дека ниту еден натпревар не е лесен и дека мора кон секој да пристапиме со сериозност и постојаност. Верувам дека ќе одиграме силно и во одбрана и во напад и ќе извојуваме победа пред нашата публика.“
Домашните очекуваат поддршка од трибините и нова победа на свој терен, додека кавадарчани ќе се обидат да изненадат и да се наметнат со својата игра.
Сè е подготвено за уште една ракометна вечер во Охрид, во која ќе се судрат амбициите и формата на двата тима.
