Денес се комплетира второто коло во Трета лига – Север, а колото донесе многу возбудливи натпревари, голови и убедливи победи.
Најубедлив триумф забележа Ржаничино, кое со високи 7:0 го декласира новиот третолигаш Отља. Халил Калач постигна хет-трик, а во листата на стрелци се запишаа и Симеон Здравковски, Петре Тасевски, Филип Јаневски и Даниел Симоновски.
Беса од Сарај со голот на Леутрим Таири славеше над Лопате во дуелот на двата нови третолигаши.
Еуромилк ГЛ воопшто не остави простор за изненадување и со убедливи 4:1 го совлада составот на Фортуна. Искусниот Орхан Мифтар погоди за водство на полувреме, а во вториот дел Томче Павловски и Кирил Ристовски зголемија на 3:0. Шаќир Мемеди намали на 3:1, но во финишот Ахмед Бакијов ги постави конечните 4:1.
Во Слупчане немаше победник – Беса и Студеничани одиграа 2:2. Сунај Демири донесе водство за домаќините, а во вториот дел гостите направија пресврт преку Риад Кадри и Сабри Алиу. Сепак, во 84. минута Амир Бајрами израмни и донесе поделба на бодовите.
Куманово со два гола во финишот славеше со 3:1 над Пчиња. Газим Бакиевски го отвори резултатот во 23. минута, но само две минути подоцна гостите израмнија преку Димитар Стојановски. Во завршницата АМар Имери и Кристија Златковски донесоа голема победа за Куманово.
Како што веќе објави Спортска Мрежа, вчера Аеродром со 6:0 го совлада Башкими Љуботен, додека БВК Коњаре со 3:1 беше подобар од Кадино.
| Поз. | Клуб | ОН | Поб | Н | Пор | ПОС | ПРИ | ГР | БОД |
|---|---|---|---|---|---|---|---|---|---|
| 1 | ФК Аеродром 2018 ➖ | 2 | 2 | 0 | 0 | 8 | 1 | +7 | 6 |
| 2 | ФК ЕУРОМИЛК ГЛ АД ➖ | 2 | 2 | 0 | 0 | 8 | 1 | +7 | 6 |
| 3 | ЗГ ФК КУМАНОВО ➖ | 2 | 2 | 0 | 0 | 7 | 1 | +6 | 6 |
| 4 | ФК БВК КОЊАРЕ ➖ | 2 | 1 | 1 | 0 | 4 | 2 | +2 | 4 |
| 5 | ФК РЖАНИЧИНО ➖ | 2 | 1 | 0 | 1 | 7 | 1 | +6 | 3 |
| 6 | ФК ПЧИЊА 2015 ➖ | 2 | 1 | 0 | 1 | 6 | 3 | +3 | 3 |
| 7 | ФК КАДИНО ➖ | 2 | 1 | 0 | 1 | 2 | 3 | -1 | 3 |
| 8 | ФК БАШКИМИ ЉУБОТЕН ➖ | 2 | 1 | 0 | 1 | 5 | 7 | -2 | 3 |
| 9 | ФК БЕСА – Скопје ➖ | 2 | 1 | 0 | 1 | 1 | 4 | -3 | 3 |
| 10 | ФК ФОРТУНА 1975 ➖ | 2 | 0 | 1 | 1 | 2 | 5 | -3 | 1 |
| 11 | ФК Студеничан ➖ | 2 | 0 | 1 | 1 | 2 | 6 | -4 | 1 |
| 12 | ФК БЕСА с.Слупчане ➖ | 2 | 0 | 1 | 1 | 2 | 7 | -5 | 1 |
| 13 | ФК ЛОПАТИ 97 ➖ | 2 | 0 | 0 | 2 | 1 | 6 | -5 | 0 |
| 14 | ФК ОТЉА ➖ | 2 | 0 | 0 | 2 | 1 | 9 | -8 | 0 |
