Македонската тенисерка Лина Ѓорческа обезбеди пласман во четвртфиналето на W75 турнирот во Куршумлијска Бања, откако денеска со убедлива игра ја совлада Анастасија Золотарева со 2-0 во сетови (6:0, 6:3) за само 75 минути.
Првиот сет Ѓорческа го доби максимално сигурно, не дозволувајќи и на противничката да освои ниту еден гем. Во вториот сет, таа направи брејк во четвртиот гем и поведе со 3:1, а потоа ја зголеми предноста на 4:1. Тоа водство го одржа до крајот и со сигурна игра ја завери победата.
Во четвртфиналето, кое се игра денес, македонската тенисерка ќе се сретне со Лили Тагер од Австрија, која со 2-0 (6:4, 6:4) ја елиминираше Тена Лукас од Хрватска. Потсетување, Ѓорческа и Тагер пред само неколку дена играа финале на турнирот во Букурешт, каде австриската тенисерка славеше со 2-1 во сетови.
