Од 15- 21 септември во Австрија се одржува Европското првенство за тенисери и тенисерки до 18 години. Секоја држава има право да пријави по два свои претставника, кои настапуваат и во сингл и во конкуренција на двојки.
Македонија ја претставуваат Ана Митевска и Катја Ивановска кај девојките, додека кај момчињата репрезентативци се Кристијан Јанев и Ерион Незири. Селектор на македонскиот национален тим е Круно Деспотовски, кој го следи и координира настапот на младите надежи.
Натпреварите се играат во Оберпулендорф, а македонските тенисери и тенисерки ќе имаат можност да се покажат на големата европска сцена и да стекнат меѓународно искуство.
