На Градскиот стадион во Радовиш денес ќе се одигра првиот од двата пријателски натпревари на македонската репрезентација до 17 години против врсниците од Кипар.
Радовиш повторно има можност да биде домаќин на репрезентативен фудбал, откако претходно се играше дуелот на младата репрезентација до 19 години против Босна и Херцеговина. Сега градот добива уште една голема спортска прилика со два нови натпревари на нашите млади надежи.
Ова е потврда дека стадионот во Радовиш, како и организацијата воопшто, се покажуваат во одлично светло и добиваат сè поголема доверба од Фудбалската федерација на Македонија.
Првиот меч против Кипар ќе се одигра денес со почеток во 15:30 часот, додека вториот е закажан за четврток, повторно на Градскиот стадион во Радовиш.
