Македонската тенисерка Лина Ѓорческа го започна турнирот ИТФ W50 во Слобозија, Романија, со убедлива победа. Во првото коло, таа го совлада домашниот фаворит Симона Огесгу со 2-0 во сетови (6:3, 6:2) за 88 минути игра.
Првиот сет беше израмнет на стартот, со резултат 2:2, но Ѓорческа успеа да направи прв брејк и со сигурна игра на својот сервис го освои деветиот гем без изгубен поен, носејќи го сетот со 6:3. Во вториот сет, македонската тенисерка брзо создаде предност од 2:0, а потоа со три последователни гемови го затвори сетот со 6:2, искористувајќи ја првата меч-топка за конечен триумф.
Во следното коло, Ѓорческа ќе се соочи со Романката Бланка Барбулеску, која настапува со вајлд карта и денеска го победи квалификантката Кристина Новак од Словенија со 2-0 во сетови (6:3, 6:2). На турнирот, Ѓорческа е рангирана како трета носителка, па очекувањата за добри резултати се високи.
