Фудбалската федерација на Македонија денеска реализира најголема досега донација на спортска опрема за младинските категории во својот натпреварувачки систем.
Вкупно 42 клуба од Супер младинската лига, Втората и Третата младинска лига добија по 44 комплети опрема (тренерки, маици и шорцеви за тренинг, ранци), како и по 30 фудбалски топки. Со оваа акција се опфатени 1.848 млади фудбалери, а донацијата е проценета на околу 150.000 евра, средства обезбедени целосно од ФФМ.
Претседателот на ФФМ, Масар Омерагиќ, заедно со Горан Пандев, Агим Ибраими и Ѓорги Христов, им ја предаде опремата на претставниците на клубовите во „Куќа на фудбалот“ и испрати порака за континуирана поддршка и соработка.
„Ова е првпат ФФМ да реализира донација од ваков обем за младинските категории. Нашата цел е младите фудбалери да имаат најдобри услови за развој, а клубовите да бидат растоварени од дополнителни трошоци. Сакам да потенцирам дека опремата е исклучиво наменета за децата и клубовите немаат право да им ја наплаќаат на родителите“, истакна Омерагиќ.
Со оваа донација, ФФМ уште еднаш ја потврди својата стратегија за системска поддршка и развој на младинскиот фудбал – темел на идните успеси на македонските репрезентации и клубови.
Клубови кои ја добија донацијата се:
Супер младинска лига:
АП Брера Струмица, Вардар, Пелистер, Работнички, Шкендија, Македонија Ѓ.П., Шкупи, Њу Старс, Охрид Лихнидос, Брегалница 2008, Тетекс, Скопје, Струга Трим Лум, Арсими, Башкими, Тиквеш.
Втора младинска лига:
Победа, Беласица, Детонит Плачковица, Силекс, Ренова, ССК Нова, Шкендија (А), Куманово, Кул Здравје, Кожуф Гевгелија.
Трета лига – пионери:
Фортуна Скопје, Биџо Куманово, Гроздановски, Новаци, Ускана Кичево, Големо Коњари, Преспа, Љуботен.
Трета лига – помлади пионери:
Фортуна Скопје, Биџо Куманово, Гроздановски, Новаци, Ускана Кичево, Големо Коњари, Преспа, Љуботен.
