Беласица приреди сензација и успеа да го елиминира новиот прволигашот Арсими од Чегране по изведување на пенали, во возбудлив натпревар од 1/16-финалето на Купот на Македонија (2-2 во регуларниот дел, 3-2 пенали).
Арсими во Струмица резултатот го отвори преку Џемиљ Јахији во 45. минута од натпреварот за 0:1 на полуреме. Во вториот дел Беласица преку Коцев израмни на 1:1 во 51. минута, а потоа Дејан Перович во 56. минута донесе нова предност од 1:2 за Арсими.
Во 84. минута од мечот на стадионот „Благој Истатов“ во Струмица црвен картон заработи Башким Велија, а веќе една минута подоцна Живко Крстев обезбеди 2:2.
Пенал-серијата се покажа кобна за Арсими, а среќна и успешна за Беласица.
По Беласица, вчера следна фаза од Купот обезбедија Работнички, Силекс, Македонија ЃП, Брегалница, Охрид и Детонит Плачковица, а пак Арсими по Брера Струмица е вториот прволигаш кој е елимиран уште во првата фаза на Купот на Македонија.
