По неколку години Победа од Валандово се врати во Трета лига – Исток и клубот ќе биде одново активен во сениорска конкуренција, а вчера го одигра и првиот официјален меч откако во првата фаза од Купот на Македонија на домашен терен играше со второлигашот Брегалница од Штип, а овој меч заврши со триумф од 0:6 за штипските „сини“.
Радува фактот што Победа се врати на фудбалската карта, радува фактот што се врати и публиката на Градскиот стадион во Валандово, но тоа што тука се верните „Калинкари“ кои ќе даваат силна поддршка од трибинините за нивниот миленик за настапите во Трета лига – Исток.
Вчерашниот натпревар беше за чиста десетка – ФК Победа се покажа како одличен организатор на натпреварот, добар домаќин, трибините на Градскиот стадион во Валандово беше исполнета во целост, збогатена навивачка атмосфера со „Калинкарите“, а пред започнување на натпреварот беше интонирана химната на Република Македонија.
- ПОГЛЕДНЕТЕ ЈА НАВИВАЧКТА АТМОСФЕРА ВО ВАЛАНДОВО – ГРМАТ „КАЛИНКАРИТЕ“:
Јасно е дека Валандово го сака фудбалот, јасно е дека спортот во Валандово се враќа, а за големо поздравување е организацијата и тоа што конечно фудбалот оди во нагорна линија.
На 7 септември започнува новата сезона во Трета лига – Исток, а во првото коло екипата на Победа ќе биде слободна, додека пак во второто коло ќе игра дерби со Ударник од Пирава, што ќе биде вистински фудбалски празник.
