Српскиот шампион Партизан го освои петтото место на меморијалниот турнир „Крсте Андоновски“ во Охрид, откако во возбудлив натпревар ја совлада словенечката екипа на Тримо Требње со 33-30.
Дуелот се одигра во високо темпо и понуди голем број на голови. Првиот дел мина во израмнета игра, а на полувреме Тримо имаше минимална предност од 18-16. Во вториот дел словенечкиот тим успеа да се одлепи на пет гола разлика, но Партизан реагираше навреме, ја консолидираше одбраната и со серија погодока направи целосен пресврт, кој го потврди во последните минути од мечот.
Со овој триумф Партизан го заврши турнирот на петтата позиција, додека Тримо Требње се пласираше шести. Претходно, во мечот за седмото место, екипата на Динамо Панчево ја совлада Киндил од Фарски Острови со 28-24 и го обезбеди седмото место, додека Киндил го зазеде осмото.
Во продолжение на програмата, од 17:45 часот следува дуелот за третото место меѓу Вардар и Нексе, додека големото финале меѓу домаќинот Охрид и македонскиот шампион Еурофарм Пелистер е закажано за 20:00 часот.
