Тетовска Шкендија не мирува на трансфер-пазарот и во пресрет на плеј-офот од Лига Европа против Лудогорец го официјализира најновото засилување – офанзивецот Адтхе Мазари.
Стружанецот доаѓа како позајмен играч од хрватскиот прволигаш Вараждин, со договор на една сезона. Таму не успеа да се наметне и во минатата натпреварувачка година одигра само шест натпревари, па враќањето во македонскиот шампионат може да биде вистинска прилика за нов почеток.
Со неговото ангажирање, Шкендија очекува да ја засили напаѓачката линија, особено по најавите дека Тамба е пред трансфер во Турција.
Мазари добро е познат на домашната сцена. Пред заминувањето во Вараждин, три сезони беше еден од носителите на играта во Работнички, а претходно настапуваше и за Победа, Охрид и Струга.
