Третолигашот Брегалница од Делчево со првиот собир и првиот тренинг означи старт на летните подготовки за новата сезона во Трета лига – Исток.
Поранешниот прволигаш на градскиот стадион во Делчево го имаше првиот тренинг, а во новата сезона ќе тимот ќе влезе со освежен ростер и подигнат квалитет, а сигурно е дека Брегалница ќе атакува одново на висок пласман и ќе води борба за првото место.
Како што веќе објави Спортска Мрежа делчевска Брегалница досега се засили со голманот Лазе Гицев, напаѓачот Драган Стоиловски, со повратникот Томи Станоевски и со младиот Марио Илиевски кој е прекомандуван од младинскиот во сениорскиот тим.
Новата сезона во Трета лига – Исток започнува на 7 септември, а во следниот период ќе се одржи ждрепката за утврдување на распоредот за новата сезона.
