Утре на „Цвај арената“ во Неготино ќе се одигра пријателски натпревар меѓу второлигашот Вардар Неготино и Преспа од Ресен.
Натпревар за проверка на формата на двете екипи пред стартот на новата сезона. Преспа која подоцна започна со подготовките бидејќи и подоцна се приклучи на Втората лига, со оглед на тоа што беше неизвесноста до последно околу Беса дали ќе игра или нема да игра.
Тимот од Ресен склопува тим, се организира и преку пријателски натпревари ќе ја провери и формата.
Минатата сезона Вардар Неготино до последно водеше борба за опстанокот во Втората лига, а годинава поради кратењето на лигата испаѓаат дури пет екипи, а три играат бараж, па тоа ќе биде јасен сигнал дека второлигаши ги очекува тешка сезона.
Пријателскиот натпревар меѓу Вардар Неготино и Преспа се игра утре со почеток од 17:30 часот.
Новата сезона во Втората лига започнува на 23 август, а екипата на Вардар Неготино сезоната ја отвара против Тетекс на домашен терен, додека пак Преспа ќе биде домаќин на Шкендија Арачиново.
