Фантастично, борбено и неизвесно полуфинале на меморијалниот турнир „Алмир Ибеско – Алмо 2025“ во прилепското село Дебреште.
„Ексклозија“ и вистинска голеада понуди првиот меч, публиката проследи десет погодоци, но немаше победник – екипите на Твинекс и Центар Бела Црква ремизираа играјќи 5:5.
Ваквиот резултат значеше дека победникот ќе се бара во пенал рулетот, а каде екипата на Твинекс со 3:2 беше подобра и се чекираше во големото финале.
Вториот меч понуда два погоди, одново немаше победник во регуларниот дел и одново пенали беа тие кои пресудуваа. Фенербахче и Пилана Жарко ремизираа играјќи 1:1, а тоа понуди доста неизвесност за многубројната публика.
Екипата на Пилана Жарко со 1:2 беше подобра од ударите од белата точка, а тоа значи и финале.
Утре во 20:30 часот на програмата ќе биде натпреварот за трето место меѓу Фенербахче и Центар Бела Црква, додека пак од 21:30 часот стартува големото финале меѓу Твинекс и Пилана Жарко.
Спортска Мрежа и годинава е медиумски покровител на овој одлично организиран турнир кој веќе станува препознатлив низ цела Македонија.
