Турнирот во мал фудбал „Малеш Куп 2025“, кој традиционално се одржува во Берово, годинава доби и хуманитарна димензија. Благодарение на поддршката од искусниот фудбалер Бојан Најденов, како и од Бранко Чиплаковски, поранешниот фудбалер Бранислав Радински и Виктор Горгиевски, беше обезбедена спортска опрема која им беше доделена на социјално загрозени семејства.
Со оваа акција, уште еднаш се потврди дека „Малеш Куп“ е повеќе од фудбалски турнир – тој е настан со силна хумана порака.
Организаторите на турнирот на Најденов, Чиплаковски, Радински и Горгиевски им доделија благодарници за особен придонес.
„Малеш Куп“ започна во 2022 година, а годинава се одржа неговото четврто издание. Турнирот во мал фудбал прерасна во вистински спортски и забавен настан што го обединува целиот Исток на Македонија. Покрај возбудливите натпревари, секоја вечер е збогатена со музичка програма, вкусна храна, ладно пиво и одлична забава за сите посетители.
Годинава „Малеш Куп 2025“ го освои екипата на Еклектик.
