Иако Пелистер загуби со 1-4 од Вардар во дербито на Арената „Тодор Проески“ во првото коло од новата сезона во ПМФЛ, на трибините имаше приказна која ја надмина резултатската рамка.
Малата Теодора и нејзиниот татко Борче се вистински пример дека љубовта кон клубот нема граници. Двајцата отпатуваа точно 1.959 километри – од Есен, Германија до Скопје – само за да бидат покрај својот Пелистер на големото дерби. Со навивачки реквизити и голема енергија, тие му дадоа максимална поддршка на битолскиот клуб, иако исходот на теренот не беше поволен.
По натпреварот, Теодора имаше прилика да се запознае и фотографира со дел од фудбалерите на „зелено-белите“, кои со задоволство ѝ возвратија на симпатиите.
Од Пелистер порачаа – љубовта кон клубот не знае за граници и препреки.
