Најдобрата македонска тенисерка, Лина Ѓорческа, избори пласман во полуфиналето на ИТФ турнирот во Куршумлијска Бања, Србија, кој се игра за награден фонд од 30.000 долари.
Вчера во четвртфинале, Ѓорческа ја совлада Ксенија Зајцева со 2-0 во сетови (6:1, 6:2) за 94 минути игра, остварувајќи ја својата втора победа во вториот меѓусебен дуел со руската тенисерка.
Првиот сет започна со водство на Зајцева од 1:0, но следуваше серија од шест последователни гема за Ѓорческа, која го освои сетот со 6:1. Во вториот сет, при резултат 3:2, македонската тенисерка повторно направи мини-серија и со конечни 6:2 ја потврди победата.
Денес во полуфиналето, со почеток од 11:00 часот Ѓорческа ќе се сретне со Дарја Астахова, против која има позитивен биланс – две победи во два меѓусебни дуела, меѓу кои и една во полуфинале на турнир во Оломоуц, Чешка.
