Турнири

Шестото издание на „Трофеј Трајан Куља“ стартува на 8 август – најсилниот турнир за млади категории досега

Сподели
Сподели

Битолското село Црнобуки од 8 до 10 август ќе биде домаќин на шестото издание на традиционалниот фудбалски турнир за млади категории – „Трофеј Трајан Куља“, кој оваа година ветува највисок квалитет досега.

Овој турнир веќе стекна голем углед меѓу младинските школи во регионот, благодарение на единствениот концепт – учество без партиципација, со што се овозможува вистински спортски дух и фер можности за сите екипи.

На програмата се натпревари во три возрасни категории – генерациите до 9, 10 и 11 години, со учество на вкупно 48 екипи. Покрај водечките младински школи од Македонија како Пелистер, Вардар, Македонија ЃП и Брера Струмица, ќе настапат и гости од Србија, Босна и Херцеговина и Црна Гора, што му дава на турнирот и меѓународен карактер.

Организаторите најавуваат одлична организација и силна промоција, а турнирот добива и поддршка од реномирани фудбалски имиња. Амбасадори и промотери на годинашното издание се поранешниот репрезентативец Милан Стојановски, капитенот на Партизан Саша Илиќ, како и голем број познати имиња од македонскиот и балканскиот фудбал: Јане Николоски, Панче Ќумбев, Александар Лазевски, Марко Ѓорѓиевски, Стефан Ашковски и Христијан Драгарски.

Свеченото отворање е закажано за 8 август, по посетата на гробот на Трајан Куља, во чија чест и се организира турнирот. Групната фаза ќе се игра на 8 и 9 август, додека финалните натпревари ќе се одиграат в недела, на 10 август, попладне.

Покрај тимските награди (пехари и медали), турнирот нуди и индивидуални признанија, а посебен акцент се става на главната индивидуална награда – седумдневен камп во организација на ФК Партизан за најдобрите фудбалери во секоја категорија.

„Трофеј Трајан Куља“ се издвојува како турнир кој нуди повеќе од натпревари – емотивно доживување, фудбалска атмосфера, пријателства и спомени за цел живот. Благодарение на љубовта кон фудбалот и визијата на организаторите, Црнобуки повторно ќе биде центарот на младинскиот фудбал во Македонија.

Сподели
Напишано од
Александар Ванев -

Основач, главен и одговорен уредник на спортскиот веб портал Спортска Мрежа, специјализиран за македонски спорт. Александар Ванев со спортско новинарство започнува на 1. август 2010 година, неговиот најголем проект е Спортска Мрежа, тој е спортски коментатор и во неговата кариера има коментирано натпревари од Втората и Третата фудбалска лига на Македонија, од Првата футсал лига на Македонија, Куп на Македонија, Прва и Втора женска фудбалска лига, како и натпревари од македонскиот ракомет. Ванев е член на Здружението на новинари на Македонија (ЗНМ). Ванев е спортски новинар посветен на македонскиот спорт, првиот и единствен кој темелно ја работи Третата и Четвртата (општинската лига) во Македонија.

Не пропуштајте

Останато

Македонскиот шампион Штип УГД го „прегази“ Работнички за огромна радост на штипјани во „Џексон“

Македонскиот шампион Штип УГД забележа огромна победа над Работнички од Скопје со максимални 3:0 во сетови во рамките на 4. коло на Првата...

Турнири

ФК Кожуф од Гевгелија го потврди учество на Ohrid Winter Cup

Фудбалскиот клуб Кожуф од Гевгелија го потврди учеството на Ohrid Winter Cup и со тоа ја засилува конкуренцијата на овој меѓународен турнир на...

Поврзани написи
Турнири

ФК Кожуф од Гевгелија го потврди учество на Ohrid Winter Cup

Фудбалскиот клуб Кожуф од Гевгелија го потврди учеството на Ohrid Winter Cup...

Турнири

ФК Камза од Албанија го потврди учество на Ohrid Winter Cup

Фудбалскиот клуб Камза од Албанија го потврди учеството на Ohrid Winter Cup...

Турнири

Уште само пет слободни места за новогодишниот турнир во Демир Хисар – награден фонд од 180.000 денари!

Интересот за новогодишниот турнир во мал фудбал во Демир Хисар е голем,...

Турнири

Стојаково повторно ќе живее за фудбалот – новогодишен турнир со награден фонд од 410.000 денари!

Стојаково и годинава ќе биде центар на фудбалските возбудувања во декември! На...

✕
error: Содржина е заштитена! Се забранува копирање на истата!