Поранешниот капитен на македонската фудбалска репрезентација од 21 година, Фламур Таири ја заврши својата професионална кариера – ги закачи копачките на клин.
34-годишниот стружанец својата кариера ја започна во Караорман, од каде се пресели во Македонија ЃП, потоа беше дел од кичевски Напредок, Влазерими, Гостивар, Ренова и последно Струга Трим Лум, а дресот на струшкиот прволигаш го носеше од јануари 2017 година.
Таири во Албанија градеше меѓународна кариера, настапувајќи за екипите на Теута и Билис, а сега искусниот фудбалер реши да стави крај на својата богата фудбалска кариера.
„По многу години на зелените терени, дојде моментот да затворам едно поглавје од мојот живот – со срце исполнето со благодарност. Благодарам на ФК Караорман, Македонија ЃП, Напредок, Теута, ФК Гостивар, КФ Ренова, Билис и посебно на ФК Струга Трим & Лум, која беше мојот дом до самиот крај. Благодарност до соиграчите за секоја заедничка битка, до тренерите за довербата и до навивачите за љубовта. Но над сè, благодарам на моето семејство – за секоја жртва, поддршка и сила на секој чекор од патот. Ова беше еден сон што го живеев со цело срце. Му благодарам на фудбал“, напиша Таири на социјалните мрежи.
Искусниот фудбалер двапати беше шампион на Македонија со екипата на Струга Трим Лум во сезона 2022/2023 и 2023/2024.
