Женскиот фудбалски клуб Љуботен испиша златна страница во македонскиот спорт совладувајќи го ерменскиот Пјуник со убедливи 4-0 во финалето на првата квалификациска фаза за Лигата на шампионите.
Хероина на натпреварот беше феноменалната Хава Мустафа, која постигна сите четири гола – по еден во првото и три во второто полувреме (39’, 55’, 89’, 96’). Со оваа победа, шампионките од Тетово обезбедија пласман во втората квалификациска рунда, каде на 27 август ќе се соочат со силниот шведски претставник Розенгард.
Последен пат екипата на Наше Такси играше во оваа фаза во сезоната 2011/12, а Љуботен со овој подвиг покажува дека има квалитет за нови европски успеси.
