Прволигашот Струга Трим Лум имаше успешна „генералка“ пред стартот на новата сезона во Првата македонска фудбалска лига, откако со убедливи 3:0 го совлада второлигашот Охрид.
За стружани овој меч беше последен тест пред почетокот на новата сезона, а стартот е закажан за 8 август.
Ласана Диако погоди во првото полувреме, додека Басиру Компоре и Арби Воша беа стрелци во вториот дел, при што тимот покажа карактер и сила.
Струга новата сезона во ПМФЛ ја отвара против екипата на Македонија ЃП, а пак Охрид новата сезона во ВМФЛ во која најавува атак на местата за Прва лига ја отвара против Беласица на домашен терен на 23 август.
