Арсими со 3:0 славеше над Вардарски во воведниот меч со кое беше отворено седмото коло, а кое ќе се комплетира утре, со што тимот од Чегране е на врвот од табелата. Но, дали може Арсими да остане на врвот од табелата и кои екипи се во можност да застанат на врвот од табелата пред репрезентативната пауза?
Арсими е на врвот од табелата со 15 бодови, Брегалница е втора со 14 бодови, а пак Македонија ЃП и Башкими го делат третото место со по 13 бодови, на 5. место е Кожуф со 12 бодови. Овие екипи ќе бидат во трката за тоа кој да биде прв пред репрезентативната пауза.
Кој ќе биде лидер во Втората лига ќе се одлучува утре во Штип, во директен дуел на Брегалница и Кожуф. Македонија ЃП како фаворит ќе го пречека Осогово, па колку ланскиот прволигаш ја оправда фаворитската улога тогаш „лавовите“ се во позиција да избија на врвот од табелата, ако Брегалница се „сопне“дома.
Лесна задача би требало да има и Башкими, кој како фаворит во Гостивар ќе ја пречека екипата на Победа од Прилеп.
Доколку и Башкими ја оправда фаворитската улога тогаш второлигашот од Куманово би имал 16 бодови, колку што би имала и Македонија ЃП. Брегалница зависи сама од себе, ако триумфира над Кожуф може да биде на врвот од табелата со 17 бодови, во секој друг случај нема да може да биде прва.
- ТАБЕЛА ОД ВТОРАТА МАКЕДОНСКА ФУДБАЛСКА ЛИГА:
Неколку комбинации се во игра околу тоа кој да биде прв пред репрезентативната пауза. Брегалница зависи сама од себе, а Македонија ЃП и Башкими ќе треба да ја оправдата фаворитската улога, и притоа секоја екипа ќе чека „кикс“ на конкурентите.
