Новиот второлигаш Големо Коњари ги започна подготовките за новата сезона која ќе започне на 23 август.
Клубот ќе го води Јоваца Блажевски, а ќе му помага Горан Касниоски кој досега го водеше тимот кога стана шампион во Трета лига – Југ минатата сезона.
Како што веќе претходно информираше Спортска Мрежа договорени се и пријателски натпревари за проверка на формата, а првиот веќе е договорен за 24 јули против повратникот во Трета лига – Исток екипата на Победа од Валандово, а пак на 27 јули тест со третолигашот Евротип од Битола, двата меча ќе се играат во Големо Коњари.
Како што веќе објави Спортска Мрежа прва и ексклузивно, најзвучно засилување во тимот на Блажевски ќе биде искусниот Зоран Даноски, а клубот досега како што веќе информираше Спортска Мрежа се засили со голманот Антонио Шекоски кој доаѓа од Кожуф, Валентин Белески од третолигашот Питу Гули кој доаѓа заедно со Бојан Јовески, потоа со Симон Николоски од Победа, како и со Филип Станојоски од Слога Лажани.
Според информациите на Спортска Мрежа стручниот штаб и управата на клубот договараат уште неколку пријателски натпревари со цел максимално темпирање на формата за новата сезона.
Како што веќе информиравме, клубот максимално ја подобрува самата инфраструктура со што клубот добива комплетно реновирани соблекувални, клупски простории, а се уредува и самиот терен со цел да може истиот да исполнува услови за одигрување на второлигашки натпревари.
