Новиот второлигаш Големо Коњари се засили меѓу стативите со младиот и перспективен голман Антонио Шемкоски.
20-годишникот на голот на Големо Коњари доаѓа од редовите на второлигашот Кожуф од Гевгелија, а новиот второлигаш на голот добива сигурност и стабилност.
Шемкоски всушност е повратникот во Големо Коњари, тој доаѓа во позната средина, а во неговиот прв престој во новиот второлигаш се задржа во период од февруари 2024 до август 2024, односно една пролетна полусезона.
Младиот и одличен голман покрај за Кожуф и Големо Коњари, има настапувано и за прилепска Победа.
Претходно, Големо Коњари, како што прва објави ексклузивно Спортска Мрежа се засили со Зоран Даноски, кој ќе биде најзвучното засилување оваа лето, како и со младите Валентин Белески, Бојан Јовески, Симон Николоски и Филип Станојоски.
Новата сезона во Втората лига ќе започне на 23 август (сабота).
