Берк Бугариќ, стана новиот државен шампион во тенис откако вчера во финалето на Државното првенство го победи својот репрезентативен колега, младиот Кристијан Јанев. Бугариќ доминантно ја оправда фаворитската улога и го совлада ривалот со убедливи 2-0 во сетови (6-2, 6-0).
За двата тенисери ова беше прво финале на државното првенство, а Бугариќ со оваа победа го потврди својот статус на најдобар во земјата.
Покрај оваа титула во поединечна конкуренција, Бугариќ вчера ја освои и титулата во конкуренција на двојки заедно со Елдин Хусеиновиќ, со што стигна до двојна круна на оваа годинашна турнирска сцена.
Во конкуренција кај жените, шампионка е Александра Симева, која ја одбрани титулата откако беше подобра од Теона Андова.
