Вечерва во рамки на 5. коло од ракометната Суперлига екипата на Куманово запиша триумф над Бисинов во Велес со резултат од 25:30 со одлично второ полувреме на гостинскиот тим и одличен меч на Давид Димевски кој имаше 12 погодоци за гостите. За домашниот тим Илиев и Ончев имаа по шест погодоци.
Прилеп стигна до второ сезонско славје откако со 35:24 славеше над повратникот Радовиш. За прилепчани ова беше важна победа во трката за место во плеј-офот, со што сега имаат пет бодови на своето конто, а пак Радовиш останува без бодови на дното од табелата.
Илиевски со осум погодоци го водеше до втор триумф пред својата публика, а пак Иванче Ончев имаше седум погодоци кај Радовиш.
Охрид има пет од пет откако славеше со превисоки 17:31 над Струга во Езерското дерби. Ловро Јотиќ дебитираше за Охрид, а најдобар стрелец беше Ојлески со девет погодоци, кај домашниот тим Пајкоски со четири погодоци беше најдобар.
Еурофарм Пелистер се врати на победничките патеки по поразот од Вардар од претходното коло откако со 30:21 славеше над Пролет на домашен терен.
Цветан Кузманоски со шест и Филип Кузмановски со пет погодоци беа најдобри кај шампионот, а пак Димковски со шест гола беше најдобар кај Пролет.
Вардар потешко од очекуваното го доби Бутел со 27:30 каде победникот се решаваше во финишот од мечот. Во финишот од мечот Вардар направи разлика од седум погодоци која беше клучна за да го добие мечот.
Колото ќе се комплетира утре со мечот во Кавадарци меѓу Тиквеш и Алкалоид.
