Денес се комплетираше првата фаза од Купот на Македонија, откако беа одиграни трите одложени натпревари. Неизвесно беше во Гостивар и Струмица, а на „Борис Трајквоски“ во Маџари прволигашот Гостивар лесно обезбеди следна фаза.
Беласица и Македонија ЃП одигра 2:2 во регуларниот дел, откако за струмичани Кире Маркоски во 38. минута погоди за 0:1 на полувреме за гостинот. Во вториот дел Беласица направи комплетен пресврт откако Кире Стојанов постигна два погодоци за 2:1. „Лавовите“ во 78. минута добија пенал, а истиот успешно го реализираше Крсте Велкоски за 2:2 со што победникот се решаваше во пенал серијата.
Јовов до Беласица и Христов од Македонија ЃП беа сигурни во првата серија, во втората за струмичани погоди Христовски, за гостинот Велкоски.
Во третата фаза Војнески и Стојчевски беа сигруни, во четвртата фаза Глигоров беше сигурен за Беласица, а за „лавовите“ Темелков беше прецизен.
Во петтата фаза капитенот Александар Милушев биеше над голот, а пак Дарко Размоски беше сигурен од белата точка за конечни 4:5 во пенал серијата со што Македонија ЃП оди во следна фаза.
Прволигашот Гостивар лесно обезбеди следна фаза од Купот откако со 3:1 славеше над Победа од Прилеп со 3:1. Двете екипи ги сменија домаќинствата, првично требаше да се игра во Прилеп, но на барање на Гостивар, а на тоа ФФМ даде зелено светло се променија домаќинствата.
Ивановски и Машике погодија за 2:0 на полувреме за Гостивар, додека пак во вториот дел на „Борис Трајковски“ во Маџари Ајдини постигна гол за 3:0. Во 69. минута Ѓурчиновски намали на конечните 3:1.
Воска Спорт се намачи и во финишот на мечот го доби мечот со Башкими на Градскиот стадион во Гостивар со 0:2. Ибраими во 85. минута го скрши отпорот на Башкими за водство на прволигашот од Охрид со минимални 0:1, а во 96. минута Воска Спорт доби пенал кој успешно го реализираше Клинтон за конечни 0:2.
Претходно, следна фаза од Купот обезбедија Шкупи, Арсими, Шкендија, Брера, Брегалница, Беса, третолигашот Шкендија Арачиново, Силекс, Детонит Плачковица, Струга Трим Лум, Пелистер и Вардар. Во следна фаза се приклучува и освојувачот Тиквеш.
