Новиот суперлигаш, РК Еурофарм Пелистер 2, продолжува со градење на конкурентен состав за сезоната 2025/26, ангажирајќи ракометари со репрезентативно искуство.
Најново засилување е Јован Даневски, член на младинската репрезентација на Македонија и еден од најперспективните ракометари на својата позиција.
21-годишниот кумановчанец, кој настапува на позицијата десно крило, доаѓа од редовите на ГРК Тиквеш, а во новиот клуб ќе му се стави на располагање на тренерот Александар Зарков при стартот на подготовките кон крајот на јули.
Претставувањето на Даневски официјално е најавено веднаш по почетокот на подготовките, а клубот изрази задоволство што добива млад и мотивиран играч кој веќе има искуство и квалитет на репрезентативно ниво.
Со овој трансфер, Еурофарм Пелистер 2 продолжува со јасна стратегија – создавање стабилен тим со голем потенција по експресното враќање во ракометната елита.
