Новата управа на ГФК Тиквеш активно работи на засилувања на тимот за претстојната сезона. По официјализирањето на трансферот на искусниот Дарко Илиески тимот донесе уште неколкумиина искусни играчи.
Нови членови на „црвено-белите“ се Стефан Тасев, Христијан Стевковски и Кристијан Ацковски, тројца фудбалери кои треба да ја зголемат конкуренцијата и квалитетот во тимот.
Дваесет годишниот Тасев пристигнува во Тиквеш по своето прво интернационално искуство во бугарски Дунав Русе, додека Христијан Стевковски последно играше за Струга и се обврза на двегодишна соработка со клубот од Кавадарци, а пак дваесет и седум годишниот Кристијан Ацковски, има богато домашно искуство – настапувал за Работнички, Борец, Брегалница и Шкупи, а во минатата полусезона го носеше и дресот на романскиот Корвинул.
ГФК Тиквеш најавуваат еден нов почеток и посветеност кон создавање конкурентен тим. Новите имиња носат свежина, енергија и искуство, што може да биде клучен фактор во амбициите на клубот да се врати на старите победнички патеки и да игра значајна улога во првенството.
