На „Петровденскиот турнир“ во Конче продолжуваат возбудувањата во сите категории – сениори, деца, па дури и во ревијален натпревар кај дамите, каде атмосферата беше вистински празник на фудбалот.
За првпат на турнирот оваа година се одигра и ревијален женски натпревар, каде во меѓусебен дуел силите ги одмерија екипите на Серта 1 и Серта 2. Средбата заврши без победник, со резултат 5:5, а публиката уживаше во спектаклот и борбеноста на двете екипи.
Во детската конкуренција, се одигра уште еден интересен и тврд натпревар, екипата на Кристофер Киснер го доби Конче со минимални 1:0. Натпреварот беше полн со неизвесност, а победничкиот беше решен со еден гол.
Во сениорската категорија, вниманието беше насочено кон дербито за првото место во групата Д, каде се сретнаа две екипи од Радовиш, Фурна Марфи и Фреит Оне ремизираа играјќи 4:4. Меч со високо темпо и осум погодоци, кој на крај заврши без победник, но со голема неизвесност околу првото место во групата.
Во вториот меч екипата на Фреит Оне однесе висока победа од 11:3 над екипата на Валентина Промет.
Фенербахче Струмица дојде до рутинска победа од 3:0 над екипата на ФИ Промет.
Турнирот продолжува со нови натпревари секоја вечер, а финалето е закажано за 12 јули. Организатор е ФК Серта од Конче, а Спортска Мрежа останува медиумски покровител.
