Управата на битолски Пелистер го официјализираше продолжувањето на соработката со еден од најперспективните фудбалери во клубот. Дваесетгодишниот дефанзивец Христијан Стојановски потпиша нов двегодишен договор со „зелено-белите“ и останува дел од матичниот клуб.
Со овој потег, Пелистер продолжува да го следи својот стратегиски правец – задржување и развој на најталентираните играчи од младинскиот погон. Стојановски е играч што може да покрива повеќе позиции во последната линија, а минатата сезона запиша 17 настапи и 961 минута во Првата македонска фудбалска лига.
Продолжувањето на договорот со Стојановски се надоврзува на серијата потписи со домашни фудбалери како Ристевски, Гроздановски, Миленковски, Трајковски, Наумоски и Керим – што дополнително ја зацврстува структурата на тимот за следната сезона.
