Во рамки на 3. коло од Трета лига – Југозапад екипата на Преспа на Градскиот стадион во Ресен преку двата погодоци на Пластиновски и едниот гол на Реџепи стигна до победа од 3:0 над шампионот Кораби кој лани не го помина баражот за Втора лига.
Натпреварот беше решен доцна односно во 77. минута Пластиновски постигна гол за отварање на резултатот, а пак во 83. минута погоди за 2:0. Три минути подоцна Реџепи го постави конечниот резултат.
Сатеска на домашен терен во Волино со 4:2 го доби Демир Хисар, во меч каде за домашниот тим двоен стрелец беше Никола Секулоски, а по еден гол за домаќинот постигнаа Цветаноски и Богданоски.
За гостинскиот тим по еден гол постигнаа Китановски и голгетерот Стефан Каревски.
На теренот во Кукуречани домаќинот Светлост одигра 2:2 против ланскиот второлигаш Караорман.
За стружани кои лани како последни испаднаа од Втората лига на денешниот меч настапија само со 11 играчи без ниту една измена, што само по себе говори дека Караорман е во многу тешка ситуација од играчки аспект.
Александар Кочишки во 22. минута погоди за 1:0, а дури во 75. минута Игор Клечкароски израмни на 1:1 со гол од пенал. Пет минути подоцна Филип Бучински постигна гол за 2:1 и ново водство на домаќинот, а во 88. минута Ненад Попоски обезбеди бод за Караорман.
Евротип со 3:0 го надигра новиот третолигаш Света Троица 2021 од Охрид, во меч каде Владе Јанакиевски со два погодоци обезбеди 2:0 на полувреме за домашниот тим, а во вториот дел Кузманов ги постави конечни 3:0.
Велешта и Влазними одиграа неизвесен меч со седум погодоци каде домашниот тим со 4:3 беше подобар со што во локалното дерби три бодови останаа во Велешта.
Беким Бекси беше двоен стрелец за домашниот тим, а по еден гол постигна Диели Каба и Шпетим Каба. За гостинот стрелци беа Насер Доко во 12. минута, а потоа двата погоди Денис Шадов.
Славеј во Мешеишта одигра 2:2 против Кравари откако успеа да стигне до бод. Емини со два гола обезбеди 0:2 за гостинот на полувреме, а домашниот тим преку Аќимовиќ и Јордески стигна до 2:2 и бод.
