Третото коло од Трета лига – Југ донесе многу погодоци, високи и убедливи екипи, а со тоа и дебакл на некои екипи.
Превалец во доминантен меч со апсолутна контрола над истиот стигна до убедлива победа од 6:0 над Слога, која немаше сили да парира во ниту еден момент од мечот.
Стефавноски и Ѓорѓиевски постигнаа по два погодоци, а пак Коџабанов постигна еден гол, додека пак Емир Каришиќ си постигна автогол.
Во дербито на колото меѓу Венец и Големо Коњари кое се одигра во Долни Дисан, Ерџан Ибраимоски со два гола во 11. и 76. минута ги обезбеди трите бодови за гостинскиот тим.
Обршани на домашен терен загуби од Питу Гули со 0:2, откако за гостинот од Крушево во второто полувреме двоен стрелец беше Филип Кукески.
Росоман и Дреново ги поделија бодовите откако одиграа 1:1. За поранешниот второлигаш по само шест минути Митров погоди за 1:0, а во вториот дел Мемедов погоди за конечни 1:1.
Во Кривогаштани „пукна петарда“ откако Младост со 5:0 го декласираше Влазними Јуниор. Натпреварот го решија Антонио Димоски кој постигна три гола и Дарко Чапкуноски кој постигна два гола.
На теренот со вештачка трева во Прилеп беа постигна десет гола, но немаше победник, откако Ултрас и Башкими 2008 ги поделија бодовите играјќи 5:5.
Свртиновски, Паноски, Мечев, Тошески и Тасески беа стрелци за домашниот тим, а за гостинскиот двапати погоди Ахмедовски, а по еден гол поситгнаа Лазами, Ахмедов и Јашари.
