Уште четири екипи обезбедија „виза“ за четвртфинале на турнирот во мал фудбал „Црнилиште Куп 2025“.
Вечерва беа одиграни четири атрактивни натпревари, а на кои беа постигнати многу погодоци, на задоволство на многубројната публика, која секоја вечер дава силна поддршка на своите миленици.
Фасада Чајник не виде многу мака и се чекираше во четвртфиналето откако со 2:0 го доби тимот на Мултификс и во следната фаза ќе игра со екипата на Роденденски Пињати.
Екипата на Дербреште немаше сила да се спротивстави на одличната екипа на Пилана Жарко која со 3:7 беше пресилен противникот на теренот во село Црнилиште, а публиката беше сведок на десет атрактивни погодоци.
Фенербахче се намачи со Галоп, но го доби мечот со 2:1 и патува во четвртфиналето каде ќе игра со екипата на Даути Градба.
Zqjimi Kompani со убедливи 7:2 го декласираше тимот на Лисичани и во четвртфиналето ќе игра со екипата на Пилана Жарко.
Утре продолжуваат фудбалските возбудувања со нови натпревари за комплетирање на осминафиналето и со тоа да се добијат и последните патници во четвртфиналето.
Спортска Мрежа е медиумски покровител на „Црнилиште Куп 2025“.
