Третата вечер од Меморијалниот турнир во мал фудбал „Благој Истатов 2025“ донесе нова доза на голови, возбудувања и извонредни настапи на теренот во Чифлик маало во Струмица.
Freight One во стил ја отвори вечерта со доминантна победа од 7:3 над екипата на Серта Конче, во натпревар од групата Б. Брзата транзиција, сигурната реализација и постојаниот притисок резултираа со висока победа.
Најмногу внимание предизвика екипата на Гостилница кај Џек, која одигра два меча во иста вечер. Прво, ги декласираше Фурна Марфи со убедливи 6:0, а потоа одигра драматичен и израмнет натпревар против Еклектик, кој заврши со резултат 4:4. Овој бод може да биде клучен во разврската во групата А.
Покрај сениорскиот дел, турнирот нуди и натпревари за младинските категории, кои секоја вечер внесуваат дополнителна енергија и ентузијазам на теренот.
Во генерација 2011/2012, екипата на Хотел Горан Пандев убедливо славеше против No1 Deni со резултат 8:1 – доминација која го привлече вниманието на публиката.
Во уште поубедлив натпревар, Pizza Delicija ја совлада екипата на Интер Кукла со 10:0, демонстрирајќи одлична офанзивна игра и одлична организација на теренот, во генерација 2013/2014.
Сите резултати, табели и извештаи од натпреварите ги следете ексклузивно на Спортска Мрежа, медиумски покровител на турнирот.
Турнирот продолжува вечерва со нови возбудувања и нови пресметки во борбата за трофејот и наградниот фонд од еден милион денари, а првиот ќе добие 500.000 денари.
