Вечерва во Лабуништа се одиграа натпреварите од второто коло во рамки на Меморијалниот турнир во мал фудбал, посветен на Башким Салкоски, Шериф Сефиданоски и Беким Бајрамоски. Атмосферата повторно беше на високо ниво, а четирите меча понудија доминација на фаворитите, особено на Кафе Бар Лавадо, кој оствари најубедливата победа досега на турнирот.
Кафе Бар Лавадо ја отвори вечерта на спектакуларен начин, декласирајќи го Рики Срл со убедливи 11:0. Екипата играше со висок интензитет и целосна контрола во текот на целиот меч.
Во вториот дуел, Идеал рент а Кар го декласираше ХТМ Про Вин, славејќи со 5:0. Публиката проследи уште еден меч со убедлива победа.
Мечо Транс повторно одигра стабилно и дисциплинирано, совладувајќи го тимот на Сео Пласт со 4:0, со што ги зацврсти своите позиции кон следна фаза.
Последниот меч од вечерта ѝ припадна на Деко Лукс и Ресторан Лабуништа, кои со резултат 5:2 го совладаа борбениот состав на Бау Путз Мемишоски. Иако противникот даде отпор, квалитетот на Деко Лукс повторно дојде до израз и запиша победа.
- Турнирот продолжува – следуваат нови возбудувања
Турнирот во Лабуништа продолжува утре (четврток, 19.06.2025) со нови четири натпревари од втората рунда:
- Четврток, 19.06.2025
19:40 – Велешта Јунајтед – Самир Муртезоски
20:30 – Бинај – Електро Промет
21:20 – Нетто Маркети – Анима
22:10 – Виена Комерц – Балкан Профил
Потсетување: Победничката екипа ќе освои 2.000 евра, второпласираната 700 евра, а третото место носи 300 евра.
Спортска Мрежа е медиумски покровител на овој настан и секојдневно известува со резултати, табели и случувања од теренот. Следете нè за целосна покриеност – македонскиот спорт на едно место!
