Утре започнува третото издание на Меморијалниот турнир во мал фудбал „Благој Истатов“ кој се игра на фудбалскиот терен во Чифлик Маало во Струмица.
Првата вечер ќе понуди три атрактивни натпревари, во 21 часот Компанија Атанасовски оди на мегдан против Кеги Моби, за екипа на Компанија Атанасовски настапуваат дел од играчите кои лани беа шампиони на „Благој Истатов“.
Еден час подоцна од 22 часот ФК Дрвош ќе се соочи со Радио Имплус, а публиката ќе има можност од 23 часот да го проследи соочувањето меѓу Дивино и Еклер Транс Пепелиште.
Овие се трите натпревари со кој ќе се отвори овогодинешното издание на „Благој Истатов“, а каде екипите ќе се борат за награден фонд од еден милион денари, првопласираната екипа ќе добие 500.000 денари, второпласираната ќе инкасира 250.000 денари, за третото место е предвидена парична награда од 100.000 денари, а пак четвртото место ќе добие 50.000 денари.
Спортска Мрежа ќе биде медиумски покровител на овој спортски настан, ќе известуваме секоја вечер од случувањата од Струмица.
