Успешно заврши овогодинешното издание на Спортски игри Зрновци, откако во големото финале екипата на Магнум со 3:2 славеше над тимот на Семејство, а средствата ќе бидат донирани за настрадани од големата трагедија од дискотеката „Пулс“ во Кочани, во висина од 30.000 денари.
Горан Николов беше двоен стрелец, а еден гол постигна Бојан Спасевски за победничката екипа, додека пак за екипата на Семејство двата гола ги постигна Саше Герасимов.
Во натпреварот за трето место екипата на Фабијан беше подобра од тимот на Липечко Поле на крилата на Тони Мичковски со резултат од 4:3, па публиката имаше можност да проследи меч со седум погодоци.
Мичковски ги постигна сите четири погодоци за Фабијан, а пак за екипата на Липечко Поле поодија Мирче Захариев и Алекс Соколов, а еден погодок беше автогол.
Најдобар стрелец беше Алекс Соколов од Липечко Поле, за најдобар голман беше прогласен Васе Јанев од Семејство, а пак Горан Николов од екипата на Магнум беше прогласен за најдобар играч.
Исто така, беше одигран и ревијален натпревар помеѓу ветераните на Светлост Зрновци и припадници на Армијата.
Турнирот се одржува во чест на капетан Синиша Стоилов, кој е патронен празник на училиштето во Зрновци. Турнирот започна на 2 јуни, а заврши синоќа со учество на 13 екипи од Источниот дел на Македонија.
Овој спортски настан беше организиран од страна на општина Зрновци и локалниот младински совет.
